പനമരം
ബ്ലോക്ക് പഞ്ചായത്ത്

പനമരം ബ്ലോക്ക് പഞ്ചായത്ത് - ചരിത്രവും ഭൂമിശാസ്ത്രവും2010-ൽ രൂപീകൃതമായ പനമരം ബ്ലോക്ക് പഞ്ചായത്ത് വയനാട് ജില്ലയുടെ മധ്യഭാഗത്തുനിന്ന് തുടങ്ങി കർണാടക സംസ്ഥാനത്തിന്റെ അതിർത്തി വരെ വ്യാപിച്ചുകിടക്കുന്നു. കബനി നദിയുടെ പോഷകനദികളായ പനമരം പുഴ, നരസി പുഴ, കണ്ണാരം പുഴ എന്നിവയും മലയോരങ്ങൾ, കാടുകൾ, വയലേലകൾ എന്നിവയും ഈ ബ്ലോക്ക് പഞ്ചായത്തിനെ പ്രകൃതിരമണീയമാക്കുന്നു.പ്രത്യേകത: കേരളത്തിലെ ആദ്യ പുകരഹിത ഗ്രാമമാണ് പനമരം.ചരിത്രവും പാരമ്പര്യവുംസൂര്യൻ അസ്തമിക്കാത്ത സാമ്രാജ്യത്തിനെതിരെ നടത്തിയ വീറുറ്റ പോരാട്ടത്തിന്റെ ചരിത്രമാണ് ഈ ബ്ലോക്ക് പഞ്ചായത്തിനുള്ളത്. വീര പഴശ്ശിരാജാവിന്റെയും, ടിപ്പു സുൽത്താന്റെയും, തലക്കൽ ചന്തുവിന്റെയും, വേടരാജാക്കന്മാരുടെയും ചരിത്രങ്ങളുമായി ബന്ധപ്പെട്ട വീരകഥകൾ ഇവിടെ സജീവമാണ്. വീര പഴശ്ശിയുടെയും ടിപ്പു സുൽത്താന്റെയും കോട്ടയുടെ അവശിഷ്ടങ്ങൾ ഇന്നും സ്മാരകങ്ങളായി നിലകൊള്ളുന്നു. വീര പഴശ്ശി വീരമൃത്യു വരിച്ച മാവിലാംതോടും ഇവിടെയാണ് സ്ഥിതി ചെയ്യുന്നത്.1930-കളിലെ കുടിയേറ്റക്കാരുടെ ആഗമനവും അതുവഴി ഉണ്ടായ വൈവിധ്യമാർന്ന പുരോഗതിയും ബ്ലോക്ക് പഞ്ചായത്തിന്റെ സുപ്രധാന നാഴികക്കല്ലുകളാണ്. വിവിധ മതങ്ങൾ...